سپریم کورٹ آف پاکستان نے عام انتخابات میں مبینہ دھاندلی کی تحقیقات کے لیے جوڈیشل کمیشن قائم کرنے کی عمران خان کی درخواست سماعت کے لیے مقرر کر دی ہے۔ جسٹس امین الدین کی سربراہی میں سات رکنی آئینی بینچ سات جنوری کو اس معاملے پر سماعت کرے گا۔
سات رکنی آئینی بینچ میں جسٹس جمال مندوخیل، جسٹس محمد علی مظہر، جسٹس حسن اظہر رضوی، جسٹس مسرت ہلالی، جسٹس نعیم اختر افغان اور جسٹس شاہد بلال حسن شامل ہیں۔
عدالت نے تحریک انصاف کے رہنما شیر افضل مروت کی انتخابی دھاندلی سے متعلق درخواست کو بھی سماعت کے لیے مقرر کر دیا ہے۔
سپریم کورٹ سات جنوری کو فوجی عدالتوں میں سویلین کے ٹرائل سے متعلق کیس کی بھی سماعت کرے گی۔
مزید برآں سپریم کورٹ کے آئینی بینچ نے لاپتا افراد کیس کو بھی سماعت کے لیے مقرر کیا ہے جس پر سات رکنی بینچ آٹھ جنوری کو سماعت کرے گا۔
No comments:
Post a Comment